Pa-khek-lé Siu-tèng-pán Sèng-keng 巴克禮修訂版聖經 Kū-iok “Chhòng-sè-kì” Tē it chiuⁿ 舊約 創世記 第一章 Genesis

“Chhòng-sè-kì”《創世記》Genesis Tē-it-chiuⁿ 第一章 Tē 1 chat 第一節 Goân-khí-thâu, Siōng-tè chhòng-chō thiⁿ kap toē. 源起頭， 上帝創造天kap地。

“Chhòng-sè-kì”《創世記》Genesis Tē-it-chiuⁿ 第一章 Tē 2 chat 第二節 Toē sī khang-khang hūn-tūn; chhim-ian ê bīn-chiūⁿ o͘-àm; Siōng-tè ê Sîn ūn-tōng tī chúi-bīn. 地是空空渾沌； 深淵ê面上烏暗； 上帝ê神運動tī水面。

“Chhòng-sè-kì”《創世記》Genesis Tē-it-chiuⁿ 第一章 Tē 3 chat 第三節 Siōng-tè kóng, Tio̍h ū kng, chiū ū kng. 上帝講， Tio̍h有光，就有光。

“Chhòng-sè-kì”《創世記》Genesis Tē-it-chiuⁿ 第一章 Tē 4 chat 第四節 Siōng-tè khoàⁿ kng, sī hó; Siōng-tè chiong kng àm pun-khui. 上帝看光，是好； 上帝將光暗分開。

“Chhòng-sè-kì”《創世記》Genesis Tē-it-chiuⁿ 第一章 Tē 5 chat 第五節 Siōng-tè kiò hit ê kng choè Ji̍t, kiò àm choè Mî. Ū ê-hng ū chá-khí, sī thâu chi̍t-ji̍t. 上帝叫hit-ê光做日， 叫暗做暝。 有ê-hng有早起， 是頭一日。

“Chhòng-sè-kì”《創世記》Genesis Tē-it-chiuⁿ 第一章 Tē 6 chat 第六節 Siōng-tè kóng, Chiah ê chúi ê tiong-kan tio̍h ū kiong-chhong, chiong chúi kap chúi pun-khui. 上帝講， Chiah-ê水ê中間 tio̍h有穹蒼， 將水kap水分開。

“Chhòng-sè-kì”《創世記》Genesis Tē-it-chiuⁿ 第一章 Tē 7 chat 第七節 Siōng-tè chiū chō kiong-chhong, lâi hun-khui kiong-chhong-ē ê chúi kap kiong-chhong-téng ê chúi; chiū ū án-ni. 上帝就造穹蒼， 來分開穹蒼下ê 水kap穹蒼頂ê水； 就有án-ni。

“Chhòng-sè-kì”《創世記》Genesis Tē-it-chiuⁿ 第一章 Tē 8 chat 第八節 Siōng-tè kiò kiong-chhong choè Thiⁿ. Ū ê-hng ū chá-khí, sī tē-jī ji̍t. 上帝叫穹蒼做天。 有ê-hng有早起， 是第二日。

“Chhòng-sè-kì”《創世記》Genesis Tē-it-chiuⁿ 第一章 Tē 9 chat 第九節 Siōng-tè kóng, Thiⁿ-ē chiah ê chúi tio̍h chū-chip kàu chi̍t só͘-chāi, ta-toē tio̍h chhut-hiān; chiū ū án-ni. 上帝講， 天下chiah-ê水 tio̍h聚集到一所在， 乾地tio̍h出現；就有án-ni。

“Chhòng-sè-kì”《創世記》Genesis Tē-it-chiuⁿ 第一章 Tē 10 chat 第十節 Siōng-tè kiò ta-toē choè Toē; kiò chū-chi̍p ê chúi choè Hái; Siōng-tè khoàⁿ i sī hó. 上帝叫乾地做地； 叫聚集ê水做海； 上帝看伊是好。

“Chhòng-sè-kì”《創世記》Genesis Tē-it-chiuⁿ 第一章 Tē 11 chat 第十一節 Siōng-tè kóng, Toē tio̍h hoat-chháu, í-ki̍p kiat-chí ê chhài-soe, kap chiàu-lūi siⁿ ké-chí ê chhiū, hit lāi-bīn ū i ê chí, tī toē-chiūⁿ; chiū ū án-ni. 上帝講， 地tio̍h發草，以及結chí ê菜蔬， kap照類生果子ê樹， hit內面有伊ê chí，tī地上；就有án-ni。

“Chhòng-sè-kì”《創世記》Genesis Tē-it-chiuⁿ 第一章 Tē 12 chat 第十二節 Toē chiū hoat-chháu, kap chiàu-lūi kiat-chí ê chhài-soe, kap chiàu-lūi siⁿ ké-chí ê chhiū, lāi-bīn ū i ê chí; Siōng-tè khoàⁿ i sī hó. 地就發草， kap照類結子ê菜蔬， kap照類生果子ê樹， 內面有伊ê chí； 上帝看伊是好。

“Chhòng-sè-kì”《創世記》Genesis Tē-it-chiuⁿ 第一章 Tē 13 chat 第十三節 Ū ê-hng ū chá-khí, sī tē-saⁿ ji̍t. 有ê-hng有早起， 是第三日。

“Chhòng-sè-kì”《創世記》Genesis Tē-it-chiuⁿ 第一章 Tē 14 chat 第十四節 Siōng-tè kóng, Thiⁿ-ni̍h ê kiong-chhong tio̍h ū hoat-kng ê thé, lâi hun-piat ji̍t-mî; iā thang choè tiāu-thâu, sù-kùi, ji̍t, nî; 上帝講， 天裡ê穹蒼tio̍h有發光ê體， 來分別日暝； 也thang做兆頭， 四季，日，年；

“Chhòng-sè-kì”《創世記》Genesis Tē-it-chiuⁿ 第一章 Tē 15 chat 第十五節 ia̍h hō͘ in choè kng-thé tī thiⁿ ê kiong-chhong, chiò-kng tī toē-chiūⁿ; chiū ū án-ni. 亦hō͘ in做光體tī天ê穹蒼， 照光tī地上； 就有án-ni。

“Chhòng-sè-kì”《創世記》Genesis Tē-it-chiuⁿ 第一章 Tē 16 chat 第十六節 Siōng-tè chiū chō toā ê kng-thé nn̄g-ê; toā ê kng-thé lâi koán ji̍t-sî, soè ê kng-thé lâi koán mî-sî; iā chō chhiⁿ-sîn. 上帝就造大ê光體兩個； 大ê光體來管日時， 細ê光體來管暝時； 也造星辰。

“Chhòng-sè-kì”《創世記》Genesis Tē-it-chiuⁿ 第一章 Tē 17 chat 第十七節 Siōng-tè hē in tī thiⁿ-ni̍h ê kiong-chhong, hō͘ in chiò kng tī toē-ni̍h; 上帝hē in tī 天裡ê穹蒼， hō͘ in照光tī地裡；

“Chhòng-sè-kì”《創世記》Genesis Tē-it-chiuⁿ 第一章 Tē 18 chat 第十八節 iā beh koán ū ji̍t mî, hun-piat kng àm. Siōng-tè khoàⁿ i sī hó. 也beh管有日暝， 分別光暗。 上帝看伊是好。

“Chhòng-sè-kì”《創世記》Genesis Tē-it-chiuⁿ 第一章 Tē 19 chat 第十九節 Ū ê-hng ū chá-khí, sī tē-sì ji̍t. 有ê-hng有早起， 是第四日。

“Chhòng-sè-kì”《創世記》Genesis Tē-it-chiuⁿ 第一章 Tē 20 chat 第二十節 Siōng-tè kóng, Chúi tio̍h siⁿ-thoàⁿ choē-choē ū oa̍h-miā ê tōng-bu̍t; chiáu pe tī toē ê téng-bīn, thiⁿ-ni̍h ê kiong-chhong. 上帝講， 水tio̍h生湠choē-choē 有活命ê動物； 鳥飛tī地ê頂面， 天裡ê穹蒼。

“Chhòng-sè-kì”《創世記》Genesis Tē-it-chiuⁿ 第一章 Tē 21 chat 第二十一節 Siōng-tè chiū chhòng-chō hái-ni̍h ê toā-hî, í-ki̍p chúi só͘ siⁿ choē-choē ū oa̍h-miā ê tōng-bu̍t, kok chiàu i ê lūi, koh chhòng-chō ta̍k-iūⁿ ê pe-chiáu, chiàu i ê lūi; Siōng-tè khoàⁿ i sī hó. 上帝就創造海裡ê大魚， 以及水所生choē-choē 有活命ê動物，各照伊ê類， koh創造ta̍k樣ê飛鳥， 照伊ê類；上帝看伊是好。

“Chhòng-sè-kì”《創世記》Genesis Tē-it-chiuⁿ 第一章 Tē 22 chat 第二十二節 Siōng-tè sù-hok in, kóng, Tio̍h siⁿ-thoàⁿ ke-thiⁿ chin-choē, chhiong-moá tī hái-ni̍h ê chúi, iā hō͘ chiáu-chiah siⁿ-thoàⁿ choē-choē tī toē-ni̍h. 上帝賜福in，講， Tio̍h生湠加添真choē， 充滿tī海裡ê水， 也hō͘鳥隻生湠 choē-choē tī地裡。

“Chhòng-sè-kì”《創世記》Genesis Tē-it-chiuⁿ 第一章 Tē 23 chat 第二十三節 Ū ê-hng ū chá-khí, sī tē-gō͘ ji̍t. 有ê-hng有早起， 是第五日。

“Chhòng-sè-kì”《創世記》Genesis Tē-it-chiuⁿ 第一章 Tē 24 chat 第二十四節 Siōng-tè kóng, Toē tio̍h siⁿ ū oa̍h-miā ê tōng-bu̍t, chiàu i ê lūi, cheng-siⁿ, thâng-thoā, toē-chiūⁿ ê cháu-siù, chiàu i ê lūi; chiū ū án-ni. 上帝講， 地tio̍h生有活命ê動物， 照伊ê類，cheng-siⁿ，蟲thoā， 地上ê走獸，照伊ê類；就有án-ni。

“Chhòng-sè-kì”《創世記》Genesis Tē-it-chiuⁿ 第一章 Tē 25 chat 第二十五節 Siōng-tè chiū chō toē-chiūⁿ ê cháu-siù chiàu i ê lūi, cheng-siⁿ chiàu i ê lūi, toē-chiūⁿ it-chhè ê thâng-thoā chiàu i ê lūi; Siōng-tè khoàⁿ-i sī hó. 上帝就造地上ê 走獸照伊ê類，cheng-siⁿ照伊ê類， 地上一切ê蟲thoā照伊ê類； 上帝看伊是好。

“Chhòng-sè-kì”《創世記》Genesis Tē-it-chiuⁿ 第一章 Tē 26 chat 第二十六節 Siōng-tè kóng, Lán tio̍h chō lâng chhin-chhiūⁿ lán ê siōng, chiàu lán ê khoán; hō͘ in koán-lí hái-ni̍h ê hî, thiⁿ-ni̍h ê chiáu, kap cheng-siⁿ, kap choân-toē, í-ki̍p toē-chiūⁿ teh sô ê thâng-thoā. 上帝講，咱tio̍h造人 親像咱ê像，照咱ê款； hō͘ in管理海裡ê魚，天裡ê鳥， kap cheng-siⁿ，kap全地， 以及地上teh sô ê蟲thoā。

“Chhòng-sè-kì”《創世記》Genesis Tē-it-chiuⁿ 第一章 Tē 27 chat 第二十七節 Siōng-tè chiū chhòng-chō lâng chhin-chhiūⁿ I ka-kī ê siōng, chiàu Siōng-tè ê siōng chhòng-chō i; chhòng-chō in lâm-ê lú-ê. 上帝就創造人 親像伊家己ê像， 照上帝ê像創造伊； 創造in男ê女ê。

“Chhòng-sè-kì”《創世記》Genesis Tē-it-chiuⁿ 第一章 Tē 28 chat 第二十八節 Siōng-tè sù-hok in; Siōng-tè koh tùi in kóng, Tio̍h siⁿ-thoàⁿ chin-choē, chhiong-moá tī toē-chiūⁿ, lâi khah-iâⁿ i; iā tio̍h tī-lí hái-ni̍h ê hî, thiⁿ-ni̍h ê chiáu, kap toē-chiūⁿ it-chhè só͘ tín-tāng ê oa̍h-mi̍h. 上帝賜福in；上帝koh對in講， Tio̍h生湠真choē，充滿tī地上， 來khah贏伊；也tio̍h治理海裡ê魚， 天裡ê鳥，kap地上 一切所振 動ê活物。

“Chhòng-sè-kì”《創世記》Genesis Tē-it-chiuⁿ 第一章 Tē 29 chat 第二十九節 Siōng-tè kóng, Goá ū hō͘ lín piàn toē-chiūⁿ it-chhè kiat-chí ê chhài-soe, koh it-chhè ê chhiū, kî-tiong ū kiat-chí ê chhiū ê ké-chí; lóng hō͘ lín choè chia̍h-mi̍h. 上帝講，我有hō͘ lín遍地上 一切結chí ê菜蔬， koh一切ê樹， 其中有結chí ê樹ê果子； lóng hō͘ lín做食物。

“Chhòng-sè-kì”《創世記》Genesis Tē-it-chiuⁿ 第一章 Tē 30 chat 第三十節 Lūn-kàu toē-chiūⁿ it-chhè ê cháu-siù, thiⁿ-tiong it-chhè ê chiáu, kap toē-chiūⁿ it-chhè oē tín-tāng ū oa̍h-miā ê mi̍h, Goá chiong it-chhè chhiⁿ-chháu hō͘ in choè chia̍h-mi̍h; chiū ū án-ni. 論到地上一切ê走獸， 天中一切ê鳥，kap地上 一切會振動有活命ê物， 我將一切青草 hō͘ in做食物；就有án-ni。

“Chhòng-sè-kì”《創世記》Genesis Tē-it-chiuⁿ 第一章 Tē 31 chat 第三十一節 Siōng-tè khoàⁿ I it-chhè só͘ chō-ê, khoàⁿ ah, chin-hó. Ū ê-hng ū chá-khí, sī tē-la̍k ji̍t. 上帝看伊一切所造ê， 看ah，真好。 有ê-hng有早起，是第六日。