Kū-iok Í-sū-la̍h Tē it chiuⁿ Pa-khek-lé Siu-tèng-pán Sèng-keng 巴克禮修訂版聖經 Kū-iok Í-sū-la̍h Tē it chiuⁿ 舊約 《以斯拉》 第一章 Ezra

Í-sū-la̍h《以斯拉》 Ezra Tē it chiuⁿ 第一章 Tē 1 chat 第一節 Tng Pho-su ông Kó͘-lia̍t goân--nî, in-ūi beh èng-giām Iâ-hô-hoa thok Iâ-lī-bí só͘ kóng ê oē, Iâ-hô-hoa chiū kek-tōng Pho-su ông Kó͘-lia̍t ê sim, hō͘ i soan-pò͘ tī thong-kok, koh siá i, kóng, 當波斯王Kó͘-lia̍t元年，因為beh應驗 耶和華託耶利米所講ê話，耶和華就 激動波斯王Kó͘-lia̍t ê心，hō͘伊宣布 tī thong國，koh寫伊，講，

Í-sū-la̍h《以斯拉》 Ezra Tē it chiuⁿ 第一章 Tē 2 chat 第二節 Pho-su ông Kó͘-lia̍t án-ni kóng, Thiⁿ-téng ê Siōng-tè Iâ-hô-hoa chiong thiⁿ-ē ê bān-kok siúⁿ-sù goá, koh bēng-lēng goá tī Iû-tāi ê Iâ-lō͘-sat-léng kā I khí tiān. 波斯王Kó͘-lia̍t án-ni講，天頂ê 上帝耶和華將天下ê萬國 賞賜我，koh命令我tī 猶大ê耶路撒冷kā祂起殿。

Í-sū-la̍h《以斯拉》 Ezra Tē it chiuⁿ 第一章 Tē 3 chat 第三節 Lín tiong-kan kìⁿ-nā choè I ê peh-sìⁿ--ê, thang chiūⁿ-khì Iû-tāi ê Iâ-lō͘-sat-léng, tī Iâ-lō͘-sat-léng koh khí Iâ-hô-hoa Í-sek-lia̍t Siōng-tè ê tiān; goān i ê Siōng-tè kap i tī-teh; I chin-chiàⁿ sī Siōng-tè. Lín中間見若做祂ê百姓ê，thang 上去猶大ê耶路撒冷，tī耶路撒冷 koh起耶和華以色列上帝ê殿；願 伊ê上帝kap伊tī-teh；祂真正是上帝。

Í-sū-la̍h《以斯拉》 Ezra Tē it chiuⁿ 第一章 Tē 4 chat 第四節 Kìⁿ só͘ chhun ê lâng, bô-lūn kià-kha tī sím-mi̍h só͘-chāi, hit só͘-chāi ê lâng tio̍h ēng kim gûn, châi-bu̍t, cheng-siⁿ, pang-chān i; lēng-goā iā tio̍h ūi Iâ-lō͘-sat-léng Siōng-tè ê tiān, kam-sim hiàn lé-mi̍h. 見所chhun ê人，無論寄腳tī甚麼 所在，hit所在ê人tio̍h用金銀、 財物、cheng-siⁿ，幫贊伊；另外也tio̍h為 耶路撒冷上帝ê殿，甘心獻禮物。

Í-sū-la̍h《以斯拉》 Ezra Tē it chiuⁿ 第一章 Tē 5 chat 第五節 Tùi án-ni, Iû-tāi kap Piān-ngá-bín ê cho̍k-tiúⁿ, chè-si, Lī-bī lâng, kìⁿ-nā hō͘ Siōng-tè kek-tōng i ê sim ê, lóng khí-lâi, beh chiūⁿ-khì Iâ-lō͘-sat-léng, khí Iâ-hô-hoa ê tiān. Tùi án-ni，猶大kap便雅憫ê族長、 祭司、利未人，見若hō͘上帝激動 伊ê心ê，lóng起來，beh上去 耶路撒冷，起耶和華ê殿。

Í-sū-la̍h《以斯拉》 Ezra Tē it chiuⁿ 第一章 Tē 6 chat 第六節 In sì-ûi ê lâng chiū ēng gûn-khì, ēng kim, châi-bu̍t, cheng-siⁿ, pó-poè, pó͘-chō͘ in; lēng-goā koh ū kam-sim hiàn ê lé-mi̍h. In四圍ê人就用銀器，用金、 財物、cheng-siⁿ、寶貝，補助in； 另外koh有甘心獻ê禮物。

Í-sū-la̍h《以斯拉》 Ezra Tē it chiuⁿ 第一章 Tē 7 chat 第七節 Kó͘-lia̍t ông iā chiong Iâ-hô-hoa tiān-lāi ê khì-kū the̍h--chhut-lâi, chiū-sī chêng Nî-pò͘-kah-nî-sat tùi Iâ-lō͘-sat-léng poaⁿ--lâi, hē tī i hiah ê siōng-tè ê biō ê. Kó͘-lia̍t王也將耶和華 殿內ê器具the̍h出來，就是 前Nî-pò͘-kah-nî-sat tùi耶路撒冷 搬來，hē tī伊hiah-ê上帝ê廟ê。

Í-sū-la̍h《以斯拉》 Ezra Tē it chiuⁿ 第一章 Tē 8 chat 第八節 Chiah ê khì-kū Pho-su ông Kó͘-lia̍t thok koán khò͘-pâng ê Bí-thê-lī-ta̍t the̍h--chhut-lâi, tiám-sǹg i, kau-hō͘ Iû-tāi ê siú-léng Siat-pa-sat. Chiah-ê器具波斯王Kó͘-lia̍t託管 庫房ê Bí-thê-lī-ta̍t the̍h出來， 點算伊，交hō͘猶大ê首領Siat-pa-sat。

Í-sū-la̍h《以斯拉》 Ezra Tē it chiuⁿ 第一章 Tē 9 chat 第九節 In ê siàu-gia̍h kì tī ē-bīn; kim-poâⁿ saⁿ-cha̍p tè, gûn-poâⁿ chi̍t-chheng tè, to jī-cha̍p-káu ki, In ê數額記tī下面； 金盤三十塊， 銀盤一千塊， 刀二十九支，

Í-sū-la̍h《以斯拉》 Ezra Tē it chiuⁿ 第一章 Tē 10 chat 第十節 kim-oáⁿ saⁿ-cha̍p tè, gûn-oáⁿ tē-jī-pān-ê sì-pah it-cha̍p tè, pa̍t-iūⁿ ê khì-kū chi̍t-chheng kiāⁿ; kim gûn ê khì-kū kiōng gō͘-chheng sì-pah kiāⁿ; 金碗三十塊，銀碗第二pān-ê 四百一十塊，別樣ê器具 一千件；金銀ê器具 共五千四百件；

Í-sū-la̍h《以斯拉》 Ezra Tē it chiuⁿ 第一章 Tē 11 chat 第十一節 toà siū-lia̍h ê lâng tùi Pa-pí-lûn chiūⁿ-kàu Iâ-lō͘-sat-léng ê sî, Siat-pa-sat chiong chiah-ê lóng toà chiūⁿ khì. 帶受掠ê人tùi巴比倫 上到耶路撒冷ê時，Siat-pa-sat 將chiah-ê lóng帶上去。