Kū-iok Hô-se-a-su Tē 6 chiuⁿ Pa-khek-lé Siu-tèng-pán Sèng-keng 巴克禮修訂版聖經 Kū-iok Hô-se-a-su Tē 6 chiuⁿ 舊約 《何西阿書》 第六章 Hosea

Hô-se-a-su 《何西阿書》 Hosea Tē la̍k chiuⁿ 第六章 Tē 1 chat 第一節 Lâi ah, lán tio̍h kui-oá Iâ-hô-hoa; I thiah-li̍h lán, iā beh i-hó lán; I phah lán, iā beh pau lán ê siong. 來ah，咱tio̍h歸oá耶和華； 伊拆裂咱，也beh醫好咱； 伊phah咱，也beh包咱ê傷。

Hô-se-a-su 《何西阿書》 Hosea Tē la̍k chiuⁿ 第六章 Tē 2 chat 第二節 Kè nn̄g ji̍t I beh hō͘ lán koh-oa̍h; kàu tē-saⁿ-ji̍t, I beh hō͘ lán khí-lâi, lán chiū oa̍h tī I ê bīn-chêng. 過兩日伊beh hō͘咱koh活； 到第三日，伊beh hō͘咱起來， 咱就活tī伊ê面前。

Hô-se-a-su 《何西阿書》 Hosea Tē la̍k chiuⁿ 第六章 Tē 3 chat 第三節 Lán tio̍h jīn-bat Iâ-hô-hoa, chhut-la̍t chìn-chêng lâi bat I; I ún-tàng chhut-hiān chhin-chhiūⁿ thiⁿ-kng-chá ê kng, I beh lîm-kàu lán, chhin-chhiūⁿ hō͘, iā chhin-chhiūⁿ chhun-thiⁿ ê hō͘, lūn-te̍k thó͘-toē. 咱tio̍h認識耶和華， 出力進前來bat祂； 祂穩當出現親像天光早ê光， 祂 beh臨到咱，親像雨， 也親像春天ê雨，潤澤土地。

Hô-se-a-su 《何西阿書》 Hosea Tē la̍k chiuⁿ 第六章 Tē 4 chat 第四節 Í-hoat-liân ah, Goá beh cháiⁿ-iūⁿ khoán-thāi lí? Iû-tāi ah, Goá beh cháiⁿ-iūⁿ khoán-thāi lí? in-ūi lí ê siān-liông chhin-chhiūⁿ chá-khí-sî ê hûn-bū, koh chhin-chhiūⁿ kín-kín ta ê lō͘-chúi. Í-hoat-liân ah，我beh怎樣款待你？ 猶大ah，我beh怎樣款待你？ 因為你ê善良親像早起時ê雲霧， koh親像緊緊乾ê露水。

Hô-se-a-su 《何西阿書》 Hosea Tē la̍k chiuⁿ 第六章 Tē 5 chat 第五節 In-ūi án-ni, Goá ēng sian-ti thâi-siah in: ēng Goá chhùi-lāi ê oē, thâi-sí in. Goá ê sím-phoàⁿ chhin-chhiūⁿ kng hoat-chhut. 因為án-ni，我用先知thâi削in： 用我嘴內ê話，thâi死in。 我ê審判 親像光發出。

Hô-se-a-su 《何西阿書》 Hosea Tē la̍k chiuⁿ 第六章 Tē 6 chat 第六節 In-ūi Goá ài lîn-bín, m̄-ài chè-sū, ài lâng bat Siōng-tè, iâⁿ-kè sio-chè. 因為我ài憐憫，m̄-ài祭祀， ài人bat上帝，贏過燒祭。

Hô-se-a-su 《何西阿書》 Hosea Tē la̍k chiuⁿ 第六章 Tē 7 chat 第七節 Chóng-sī in poē-iok chhin-chhiūⁿ A-tong; tī-hia ǹg Goá kiâⁿ khúi-chà. 總是in背約 親像亞當； tī-hia ǹg我行詭詐。

Hô-se-a-su 《何西阿書》 Hosea Tē la̍k chiuⁿ 第六章 Tē 8 chat 第八節 Ki-lia̍t chiū-sī kiâⁿ-pháiⁿ--ê ê siâⁿ, bak-tio̍h huih-jiah. Ki-lia̍t就是 行pháiⁿ-ê ê城， bak-tio̍h血跡。

Hô-se-a-su 《何西阿書》 Hosea Tē la̍k chiuⁿ 第六章 Tē 9 chat 第九節 Chhin-chhiūⁿ kui-tīn ê chha̍t bâi-ho̍k teh tng--lâng, chè-si kiat-tóng; iā chhin-chhiūⁿ án-ni, tī Sī-kiàm ê lō͘ thâi lâng; koh si̍t-chāi kiâⁿ siâ-îm. 親像kui陣ê賊埋伏teh當人， 祭司結黨；也親像án-ni， tī示劍ê路thâi人； koh實在行邪淫。

Hô-se-a-su 《何西阿書》 Hosea Tē la̍k chiuⁿ 第六章 Tē 10 chat 第十節 Tī Í-sek-lia̍t-ke Goá khoàⁿ-kìⁿ ke̍k thang iàm-ò͘ⁿ ê sū; tī-hia ū Í-hoat-liân ê îm-hēng, Í-sek-lia̍t bak--tio̍h lâ-sâm. Tī以色列家 我看見極thang厭惡ê事； tī-hia有Í-hoat-liân ê淫行， 以色列bak-tio̍h lâ-sâm。

Hô-se-a-su 《何西阿書》 Hosea Tē la̍k chiuⁿ 第六章 Tē 11 chat 第十一節 Iû-tāi ah, Goá hō͘ Goá siū-lia̍h ê peh-sìⁿ tò-lâi ê sî, chiū beh ūi lí pī-pān siu-koah. 猶大ah， 我hō͘我受掠ê百姓tò來ê時， 就beh為你備辦收割。