Kū-iok Í-sài-a-su Tē 42 chiuⁿ Pa-khek-lé Siu-tèng-pán Sèng-keng 巴克禮修訂版聖經 Kū-iok Í-sài-a-su Tē 42 chiuⁿ 舊約 《以賽亞書》 第四十二章 Isaiah

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 1 chat 第一節 Khoàⁿ ah, Goá ê lô͘-po̍k, Goá só͘ hû-chhî ê, Goá só͘ kéng-soán ê, Goá ê sim só͘ hoaⁿ-hí--ê, Goá ū chiong Goá ê sîn hō͘ i, i beh chiong kong-lí thoân hō͘ goā-pang. 看ah，我ê奴僕，我所扶持ê， 我所揀選ê，我ê心所歡喜ê， 我有將我ê神hō͘伊， 伊beh將公理傳hō͘外邦。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 2 chat 第二節 I bô soan-hoa, bô chhut-siaⁿ, ia̍h bô hō͘ koe-lō͘--nih thiaⁿ-kìⁿ i ê siaⁿ. 伊無喧嘩，無出聲， 亦無hō͘街路裡 聽見伊ê聲。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 3 chat 第三節 Siū-siong ê lô͘-úi, i bô at-chi̍h, beh hoa ê teng-hé, i bô phah-sit; i chiàu chin-si̍t, chiong kong-lí thoân-pò͘. 受傷ê蘆葦，伊無at折， beh hoa ê燈火，伊無phah熄； 伊照真實， 將公理傳播。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 4 chat 第四節 I bô chhìn-sim, ia̍h bô sit-táⁿ, ti̍t-kàu i tī toē-chiūⁿ siat-li̍p kong-lí; hái-sū lóng thèng-hāu i ê kà-sī. 伊無凊心， 亦無失膽， 直到伊tī地上設立公理； 海嶼lóng thèng候伊ê教示。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 5 chat 第五節 Iâ-hô-hoa Siōng-tè, chhòng-chō chiah ê thiⁿ lâi thí-khui i, khui-khoah toē kap i só͘-chhut--ê, ēng oa̍h-khì hō͘ toē-chiūⁿ ê chèng peh-sìⁿ, ēng sîn-hûn hō͘ kiâⁿ tī hit téng-bīn ê lâng ê, kóng, 耶和華上帝，創造chiah-ê天 來thí開伊，開闊地kap伊所出ê， 用活氣hō͘地上ê眾百姓，用 神魂hō͘行tī hit頂面ê人ê，講，

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 6 chat 第六節 Goá Iâ-hô-hoa ēng kong-gī tiàu--lí, beh khan lí ê chhiú, pó-siú lí, hō͘ lí choè peh-sìⁿ ê iok ê tiong-pó, choè goā-pang lâng ê kng; 我耶和華用公義召你， beh牽你ê手，保守你， hō͘你做百姓ê約ê中保， 做外邦人ê光；

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 7 chat 第七節 lâi khui chhiⁿ-mî ê ba̍k-chiu, chhoā siū-koaiⁿ--ê chhut-kaⁿ; hō͘ tiàm tī o͘-àm--ê chhut kaⁿ-lô. 來開chhiⁿ-mî ê目睭， chhoā受關ê出監； hō͘ tiàm tī烏暗ê出監牢。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 8 chat 第八節 Goá sī Iâ-hô-hoa, che sī Goá ê miâ, Goá bô chiong Goá ê êng-kng kui hō͘ pa̍t ê sîn, ia̍h bô chiong Goá ê miâ-siaⁿ kui-hō͘ tiau-khek ê ngó͘-siōng. 我是耶和華，這是我ê名， 我無將我ê榮光歸hō͘別ê神， 亦無將我ê名聲 歸hō͘雕刻ê偶像。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 9 chat 第九節 Khoàⁿ ah, chêng ê sū í-keng chiâⁿ, taⁿ Goá ia̍h beh chiong sin ê sū kóng-bêng; chiah ê sū bē hoat-khí í-chêng, Goá chiū kóng hō͘ lín thiaⁿ. 看ah，前ê事已經成， taⁿ我亦beh將新ê事講明； chiah-ê事未發起以前， 我就講hō͘ lín聽。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 10 chat 第十節 Kè-hái-ê, kap hái-lāi só͘-ū--ê, hái-sū kap kî-tiong khiā-khí ê peh-sìⁿ, lóng tio̍h ǹg Iâ-hô-hoa chhiùⁿ sin ê koa, tùi toē-ke̍k o-ló I. 過海ê，kap海內所有ê， 海嶼kap其中khiā起ê百姓， lóng tio̍h ǹg耶和華唱新ê歌， tùi地極o-ló祂。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 11 chat 第十一節 Khòng-iá kap kî-tiong ê siâⁿ, kap Ki-ta̍t lâng khiā-khí ê hiuⁿ-siā, lóng tio̍h chhut-siaⁿ; Se-la̍h khiā-khí ê peh-sìⁿ tio̍h chhiùⁿ-koa, tī soaⁿ-téng--ê tio̍h chhut toā-siaⁿ. 曠野kap其中ê城，kap Ki-ta̍t人 khiā起ê鄉社，lóng tio̍h出聲； Se-la̍h khiā起ê百姓tio̍h唱歌， tī山頂ê tio̍h出大聲。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 12 chat 第十二節 In tio̍h chiong êng-kng kui hō͘ Iâ-hô-hoa, tī hái-sū-tiong pò-iông I ê miâ-siaⁿ. In tio̍h將 榮光歸hō͘耶和華， tī海嶼中報揚祂ê名聲。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 13 chat 第十三節 Iâ-hô-hoa beh chhin-chhiūⁿ ióng-béng ê lâng chhut-khì; beh chhin-chhiūⁿ kau-chiàn ê lâng kek-tōng jia̍t-sim ; beh âu-kiò, toā-siaⁿ hoah, beh ēng toā khùi-la̍t kong-kek I ê tùi-te̍k. 耶和華beh親像勇猛ê人 出去；beh親像交戰ê人 激動熱心；beh喉叫，大聲hoah， beh用大氣力攻擊祂ê對敵。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 14 chat 第十四節 Goá kú-kú bô khui-chhùi, chēng-chēng ka-kī at-chí; taⁿ Goá beh âu-kiò, chhin-chhiūⁿ beh siⁿ ê hū-jîn-lâng; Goá beh hā-hā-chhoán boē chih khùi. 我久久無開嘴， 靜靜家己遏止；taⁿ我beh喉叫， 親像beh生 ê婦人人； 我beh hā-hā喘boē接氣。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 15 chat 第十五節 Goá beh hō͘ toā-soaⁿ sió-soaⁿ pìⁿ-choè pha-hng, hō͘ hit téng-bīn ê hoe-chháu lóng ko͘-tâ; Goá beh hō͘ kang-hô pìⁿ-choè chiu-sū, hō͘ chúi-tî lóng ta--khì. 我beh hō͘大山小山變做拋荒， hō͘ hit頂面ê花草lóng枯焦； 我beh hō͘江河變做洲嶼， hō͘水池lóng乾去。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 16 chat 第十六節 Goá beh chhoā chhiⁿ-mî--ê kiâⁿ in m̄-bat ê tō-lō͘; chhoā in kiâⁿ m̄-bat ê lō͘-kèng; tī in ê bīn-chêng hō͘ o͘-àm pìⁿ-choè kng-bêng, hō͘ oan-khiau pìⁿ-choè pîⁿ-ti̍t. Chiah ê sū Goá lóng beh kiâⁿ, ia̍h bô pàng-sak in. 我beh chhoā chhiⁿ-mî-ê行in m̄-bat ê道路； chhoā in行m̄-bat ê路徑； tī in ê面前hō͘烏暗變做光明， hō͘彎曲變做平直。 chiah-ê事我lóng beh行，亦無放sak in。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 17 chat 第十七節 Oá-khò tiau-khek ê ngó͘-siōng, tùi chù-chō ê ngó͘-siōng kóng, Lí sī goán ê Siōng-tè, chit-hō lâng siū koáⁿ-cháu, toā kiàn-siàu. Oá靠雕刻ê偶像， tùi鑄造ê偶像講， 你是阮ê上帝， chit號人受趕走，大見笑。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 18 chat 第十八節 Lín chhàu-hī-lâng-ê tio̍h thiaⁿ; lín chhiⁿ-mî--ê tio̍h khoàⁿ, hō͘ lín oē khoàⁿ-kìⁿ. Lín臭耳人ê tio̍h聽； lín chhiⁿ-mî-ê tio̍h看， hō͘ lín能看見。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 19 chat 第十九節 Goá ê lô͘-po̍k í-goā, chī-chūi chhiⁿ-mî ah? Chī-chūi chháu-hī lâng chhin-chhiūⁿ Goá só͘ chhe ê sù-chiá ah? chī-chūi chhiⁿ-mî chhin-chhiūⁿ hit-ê kap Goá hô-hó--ê, á-sī chhiⁿ-mî chhin-chhiūⁿ Iâ-hô-hoa ê lô͘-po̍k ah? 我ê奴僕以外，chī-chūi chhiⁿ-mî ah？ Chī-chūi臭耳人親像 我所差ê使者ah？chī-chūi chhiⁿ-mî 親像hit-ê kap我和好ê， á是chhiⁿ-mî親像耶和華ê奴僕ah？

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 20 chat 第二十節 Lí khoàⁿ-kìⁿ choē-choē tāi-chì ia̍h bô chù-ì; khui hī-khang, iā bô thiaⁿ-kìⁿ. 你看見choē-choē tāi-chì 亦無注意； 開耳孔，也無聽見。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 21 chat 第二十一節 Iâ-hô-hoa in-ūi ka-kī ê kong-gī, hoaⁿ-hí hō͘ lu̍t-hoat choè toā choè chun-kùi. 耶和華因為家己ê公義， 歡喜hō͘律法做大 做尊貴。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 22 chat 第二十二節 Chóng-sī chit ê peh-sìⁿ sī siū chhiúⁿ-toa̍t--ê; tī soaⁿ-hia̍t siū tng-tio̍h, koaiⁿ-ba̍t tī kaⁿ--nih; in hō͘ lâng lia̍h-tio̍h, bô lâng chín-kiù; hō͘ lâng chhiúⁿ-lia̍h--khì, bô lâng kóng, Pàng i tò--khì. 總是chit-ê百姓是受搶奪ê； tī山穴受當tio̍h，關密tī監裡； in hō͘人掠tio̍h，無人拯救；hō͘人 搶掠去，無人講，放伊tò去。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 23 chat 第二十三節 Lín tiong-kan chī-chūi khéng àⁿ hī-khang thiaⁿ che? chī-chūi khéng liû-sim, āu-lâi thiaⁿ-thàn i ah? Lín中間chī-chūi 肯俯耳孔聽這？ chī-chūi肯留心， 後來聽thàn伊ah？

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 24 chat 第二十四節 Chī-chūi chiong Ngá-kok kau i hō͘ lâng chhiúⁿ, chiong Í-sek-lia̍t kau hō͘ chha̍t ah? kiám-m̄-sī Iâ-hô-hoa, lán só͘ tek-choē--ê mah? in m̄-khéng kiâⁿ I ê tō-lō͘, ia̍h m̄-khéng thiaⁿ-thàn I ê lu̍t-hoat. Chī-chūi將雅各交伊hō͘人搶， 將以色列交hō͘賊ah？kiám-m̄是 耶和華，咱所得罪ê mah？in m̄肯 行祂ê道路，亦m̄肯聽thàn祂ê律法。

Í-sài-a-su 《以賽亞書》 Isaiah Tē sì-cha̍p-jī chiuⁿ 第四十二章 Tē 25 chat 第二十五節 Só͘-í I chiong béng-lia̍t ê siū-khì, kap cheng-chiàn ê hiông-béng, piàⁿ tī i ê sin-chiūⁿ; tī i ê sì-ûi chhin-chhiūⁿ hé-to̍h, i iáu m̄-chai; hé sio-tio̍h i, i ia̍h bô khoà-ì. 所以祂將猛烈ê受氣，kap 爭戰ê狠猛，piàⁿ tī伊ê身上； tī伊ê四圍親像火to̍h，伊iáu m̄知； 火燒tio̍h伊，伊亦無掛意。